இந்திய மீனவர்களால் வலைகள் அழிப்பு

-கே.மகா

கட்டைக்காடு பகுதியிலுள்ள 6 மீனவர்களின் வலைகளை, அத்துமீறி மீன் பிடியில் ஈடுபட்ட இந்திய மீனவர்கள், அழித்துச் சென்றுள்ளதாக, கட்டைக்காடு கடற்றொழிலாளர் சங்க தலைவர் ஜேம்ஸ் கிறிஸ்துராஜா தெரிவித்ததார்.

இது குறித்து அவர் மேலும் கூறுகையில், “கட்டைக்காடு பகுதியில் உள்ள மீனவர்கள் விரித்து வைத்த வலையை, ஞாயிற்றுக்கிழமை இரவு, இந்திய மீனவர்கள் அழித்துள்ளனர். இதன்போது, 20 இலட்சம் ரூபாய் பெறுமதியான வலைகள் அழிவடைந்துள்ளன.

அத்துமீறி மீன் பிடிக்கும் இந்திய மீனவர்களை கட்டுப்படுத்த, கடற்படையினர் நடவடிக்கை எடுக்க வேண்டும்” என்றார்.