இந்திய வியாபாரிக்கு அபராதத்துடன் கூடிய சிறை

செல்வநாயகம் கபிலன்

புடவை வியாபாரத்தில் ஈடுபட்ட இந்திய வியாபாரிக்கு 50 ஆயிரம் ரூபாய் அபராதமும் ஒரு வருட சாதாரண சிறைத்தண்டனையும் விதித்து பருத்தித்துறை நீதவான் நீதிமன்ற நீதவான் நளினி கந்தசாமி, இன்று (04) உத்தரவிட்டார்.

கடந்தமாதம் 28ஆம் திகதி பருத்தித்துறை பகுதியில் புடவை வியாபாரத்தில் ஈடுபட்டிருந்த தமிழ்நாட்டைச் சேர்ந்த இந்தியப் பிரஜையினைப் பொலிஸார் கைது செய்திருந்தனர்.

இதன்போது கடந்த 24ஆம் திகதியுடன் அவருடைய விசா காலாவதியாகியிருந்தது.
குறித்த வியாபாரியை நீதிமன்றில் முற்படுத்திய போது, இன்றுவரை (புதன்கிழமை (04) விளக்கமறியலில் வைக்க நீதவான் உத்தரவிட்டார்.

இந்நிலையில் மீண்டும் இன்று நீதிமன்றில் முற்படுத்திய போது நீதவான் அதிகூடிய அபராதம் விதித்ததுடன், 1 வருட சாதாரண சிறைத்தண்டனையும் விதித்து தீர்ப்பளித்தார்.