இந்திய மீனவர்கள் கைது

இலங்கைக் கடற்பரப்பை அண்மித்த பருத்தித்துறைக் கடற்பரப்புக்குள் நுழைந்து மீன்பிடியில் ஈடுபட்ட இந்திய மீனவர்கள் 6 பேரை, கடற்படையினர், இன்று (05) அதிகாலை கைது செய்துள்ளனர் என, கடற்றொழில் நீரியல்வளத்துறை உதவிப் பணிப்பாளர் ஜெயராஜசிங்கம் சுதாகரன் தெரிவித்தார்.

குறித்த மீனவர்கள், விசைப்படகு ஒன்றுடன் நுழைந்து மீன்பிடி நடவடிக்கையில் ஈடுபட்டிருந்த நிலையில்,​ காங்கேசன்துறை கடற்படையினரின் மேற்கொண்ட ரோந்து நடவடிக்கையின் போது கைது செய்யப்பட்டுள்ளனர்.

கைதான மீனவர்களை, பருத்தித்துறை நீதிமன்ற நீதிவானின் வாசஸ்தலத்தில் ஆஜர்படுத்த நடவடிக்கை எடுக்கப்பட்டுள்ளது.