இரும்புக் கம்பியால் அடித்த இளைஞன் கைது

-செல்வநாயகம் கபிலன் 

குப்பிளான் வடக்குப் பகுதியைச் சேர்ந்த ஒருவரை இரும்புக் கம்பியால் தாக்கி காயத்தை ஏற்படுத்திய சந்தேகநபரை திங்கட்கிழமை (30) கைது செய்துள்ளதாக சுன்னாகம் பொலிஸார் தெரிவித்தனர். 

கடந்த 29ஆம் திகதி நடைபெற்ற இந்தச் சம்பவத்தில், எஸ்.நிரூபன் (வயது 30) என்பவர் படுகாயமடைந்த நிலையில், தெல்லிப்பழை ஆதார வைத்தியசாலையில் அனுமதிக்கப்பட்டுள்ளார்.

சம்பவம் தொடர்பில் விசாரணைகளை மேற்கொண்ட பொலிஸார், 18 வயதுடைய சந்தேகநபரை கைது செய்துள்ளனர். 

தனிப்பட்ட பிரச்சினை காரணமாக இந்தச் சம்பவம் இடம்பெற்றுள்ளதாக பொலிஸார் கூறினர்.