ஊருக்குள் வந்த முதலை சிக்கியது

-செல்வநாயகம் கபிலன்

தொண்டமானாறு கடல் நீரேரி பகுதியில் இருந்து அருகில் உள்ள வல்லைப்பகுதி குடிமனைக்குள் புகுந்த 4 அடி நீளமான முதலை ஒன்றை, நேற்று ஞாயிற்றுக்கிழமை (13) பிடித்த இளைஞர்கள், அச்சுவேலி பொலிஸாரிடம் ஒப்படைத்துள்ளனர்.

தற்போது தொண்டமானாறு கடல் நீரேரியில் வெப்பத்துடன் கூடிய காலநிலையால் நீர் வற்றி காணப்படுகிறது. இதனால் அங்கிருந்து முதலைகள் இடம்பெயர்ந்து அருகில் உள்ள நீர் நிலைகளை தேடி வருவதாக அப்பகுதி முதியவர் ஒருவர் தெரிவித்தார். 

பொலிஸ் நிலையத்தில் கட்டி வைக்கப்பட்டுள்ள முதலையை வன ஜீவராசிகள் பாதுகாப்பு திணைக்களத்திடம் ஒப்படைக்க நடவடிக்கை எடுத்துள்ளதாக பொலிஸார் கூறினர்.