ஊர்காவற்றுறை நீதிமன்றத்துக்கு பலத்த பொலிஸ் பாதுகாப்பு

-எம்.றொசாந்த்

ஊர்காவற்றுறை நீதிமன்றத்துக்கு நேற்று திங்கட்கிழமை (28) மூன்று பஸ்களில் பொலிஸார் அழைத்துவரப்பட்டு பலத்த பொலிஸ் பாதுகாப்பு வழங்கப்பட்டது.

புங்குடுதீவு மாணவியின் கொலை தொடர்பான வழக்கு விசாரணை, நேற்று இடம்பெற்ற நிலையிலேயே இந்த விசேட பொலிஸ் பாதுகாப்பு வழங்கப்பட்டது.

வழமை போன்று அல்லாமல் அதிகளவான பொலிஸார் பாதுகாப்பு கடமையில் ஈடுபடுத்தப்பட்டிருந்தனர். இதனைவிட விசேட அதிரடிப்படையினரும் வழமைபோன்று தங்களது கடமையில் ஈடுபட்டிருந்தமை குறிப்பிடத்தக்கது.