காங்கேசன்துறையில் 125 ஏக்கர் காணி விடுவிக்கப்படவுள்ளது

-சொர்ணகுமார் சொரூபன்

தெல்லிப்பழை பிரதேச செயலாளர் பிரிவுக்குட்பட்ட காங்கேசன்துறைப் பகுதியில் உயர்பாதுகாப்பு வலயமாகவுள்ள 125 ஏக்கர் காணிகள் விரைவில் விடுவிக்கப்படவுள்ளதாக தகவல்கள் தெரிவிக்கின்றன.

நல்லாட்சி அரசாங்கத்தின் ஜனாதிபதி மைத்திரிபால சிறிசேன, 6 மாதங்களுக்குள் நலன்புரி முகாம் மக்களை மீள்குடியேற்றம் செய்வேன் எனக்கூறிய உறுதிமொழிக்கமைய இந்தக் காணிகள் விடுவிக்கப்படவுள்ளது.

இந்த 125 ஏக்கர் காணிகளுக்கும் காங்கேசன்துறை நடேஸ்வரா கல்லூரி உட்பட 3 கிராமஅலுவலர் பிரிவுகளைச் சேர்ந்த காணிகள் விடுவிக்கப்படவுள்ளன.

அண்மையில் விடுவிக்கப்பட்ட 701.5 ஏக்கர் காணிகளின் காணிப்பத்திரங்கள் உரிமையாளர்களுக்கு வழங்கும் நிகழ்வு விரைவில் நடைபெறவுள்ளதாகவும், அத்தினத்தில் வைத்து 125 ஏக்கர்களும் விடுவிக்கப்படவுள்ளதாகத் தெரிவிக்கப்படுகின்றது.