காணாமல் போனோரின் உறவினர்கள் கிளிநொச்சியில் ஒன்றுகூடினர்

எம்.றொசாந்த்

காணாமல் போனோரின் உறவினர்கள் கிளிநொச்சி கூட்;டுறவுச் சபை மண்டபத்தில் வியாழக்கிழமை (12) மாலை ஒன்றுகூடி காணாமல் போனோர் தொடர்பில் விசாரணைகள் மேற்கொள்ள வந்த ஐ.நா செயற்குழுவைச் சந்தித்தனர்.

8 மாவட்டங்களையும் சேர்ந்த சுமார் 600 காணாமல் போனோரின் உறவினர்கள் இதன்போது கலந்துகொண்டனர்.

தங்களின் உறவுகள் காணாமல் போனமைக்கு இராணுவத்தினரும்  ஆயுதக் குழுக்களுமே காரணம் என்று இவர்கள் இதன்போது தெரிவித்தனர். அத்துடன் வெள்ளை வான் கடத்தல் தொடர்பிலும் அவர்கள் தெரிவித்தனர்.

இந்தச் சந்திப்பில் ஊடகவியலாளர் எவரும் கலந்துகொள்ள அனுமதியளிக்கப்படவில்லை. காணாமல் போனவர்களின் உறவினர்களை புகைப்படம் எடுத்து வெளியிடுவது அவர்களின் பாதுகாப்பு பங்கம் விளைவிக்கும் என்பதால், ஊடகவியலாளர்களை உள்ளே அனுமதிக்கவில்லையென நிகழ்வை ஏற்பாடு செய்த பிரதிநிதி தெரிவித்தார்.