காணாமற்போன முதியவர் சடலமாக மீட்பு

-நடராசா கிருஸ்ணகுமார்

முல்லைத்தீவு – புத்துவெட்டுவானில், கடந்த 23ஆம் திகதி காணாமற்போன முதியவர், இன்று (27) காலை சடலமாக மீட்கப்பட்டுள்ளார்.

புத்துவெட்டுவான் – சுடலைப் பகுதியில் வைத்தே, குறித்த முதியவரின் சடலம் மீட்கப்பட்டுள்ளது.

வீரகத்தி சோமசுந்தரம் (வயது 81) என்ற முதியவரே, இவ்வாறு சடலமாக மீட்கப்பட்டுள்ளார்.

கடந்த 23ஆம் திகதி அதிகாலையில் இருந்து, குறித்த முதியவரைக் காணவில்லை என, ஐயன்கன்குளம் பொலிஸாரிடம் முறைப்பாடு தெரிவிக்கப்பட்டது.

இதையடுத்து, இராணுவத்தினரும் பொதுமக்களும் இணைந்து நடத்திய தேடுதல் நடவடிக்கையின்போதே, குறித்த முதியவரின் சடலம், இன்று மீட்கப்பட்டது.