கால்நடைகளுக்கு காதடையாளம் இடும் பணி

-என்.ராஜ்

காரைநகர் பிரதேச செயலாளர் பிரிவிலுள்ள கால்நடைகளுக்கு, காதடையாளம் இடும் நடவடிக்கை, திங்கட்கிழமை (10) ஆரம்பமானது.

காரைநகர் கால்நடை வைத்திய நிலையமும் பிரதேச செயலகமும் இணைந்து, இந்த நடவடிக்கையை மேற்கொண்டுள்ளன.

ஜே-42/43 கிராம சேவையாளர் பிரிவிலுள்ள கால்நடைகளுக்கு காதடையாளம் இடப்பட்டது.

ஓகஸ்ட் 14ஆம் திகதியன்று, ஜே-44 கிராம சேவையாளர் பிரிவில் இப்பணி இடம்பெறும். தொடர்ந்து, உரிய திகதி அடிப்படையில் மாடுகளுக்கு காதடையாளம் இடப்படும்.

இச்செயற்பாட்டுக்கு, அனைத்து பண்ணையாளர்களையும் ஒத்துழைக்குமாறு கேட்டுக்கொள்ளப்பட்டுள்ளனர்.