சந்நிதியில் ஜோடிகளுக்கு தடை

-குணசேகரன் சுரேன்

தொண்டைமானாறு செல்வச் சந்நிதி ஆலய வளாகத்தில் காதல் ஜோடிகள் உலாவி திரிவதற்கு ஆலய நிர்வாக சபையால் தடை விதிக்கப்பட்டுள்ளது.

இது தொடர்பில் விடுக்கப்பட்டுள்ள அறிவித்தலில் கூறப்பட்டுள்ளதாவது,

ஆலயத்துக்கு வரும் இளம் காதல் ஜோடிகள் தரிசனம் செய்த பின்னர், திரும்பிச் செல்ல வேண்டும். அதனை விடுத்து ஆலய வளாகங்களில் அமர்ந்து பொழுதைப் போக்கக்கூடாது. புனிதமான இந்தப் பிரதேசத்தில் பொழுதைப் போக்குவதைத் தவிர்த்து விடுதிகளில் அல்லது வேறு இடங்களுக்குச் சென்று பொழுதை போக்குங்கள்.

இதனை மீறிச் செயற்படுபவர்கள் மீது சட்ட நடவடிக்கை எடுக்கப்படும். மேலும்,அவர்கள் வருகை தந்த வாகனமும் பறிமுதல்செய்யப்படும் என அந்த அறிவித்தலில் தெரிவிக்கப்பட்டுள்ளது.