சமாதானத்தைக் கோரி தனிநபரால் போராட்டம்

எஸ்.நிதர்ஷன்

வடக்கில், சமாதானத்தைக் கட்டியெழுப்ப வேண்டுமென வலியுறுத்தி, யாழ்ப்பாணத்தில் தனிநபரொருவரால், போராட்டமொன்று இன்று (27) முன்னெடுக்கப்பட்டது.

இந்தப் போராட்டம், பெரும்பான்மையினத்தைச் சேர்ந்த ஒருவரால், யாழ்ப்பாணம் பொலிஸ் நிலையத்துக்கு அருகில், காலை 9 மணி முதல் முன்னெடுக்கப்பட்டது.

இதன்போது ஊடகங்களுக்குக் கருத்துத் தெரிவித்த அவர், வடக்கில் சமாதானம் சீர்குலைந்திருக்கிறது எனவும், சமாதானத்தைக் கட்டியெழுப்ப வேண்டுமெனவும், இதற்குரிய நடவடிக்கைகள் முன்னெடுக்கப்படாமல் இருக்கின்றனவெனவும் குற்றஞ்சாட்டினார்.

"கிழக்கில், சமாதான மாதா, மரண பங்கத்தில் இருக்கும் நிலையில் வடக்கிலும் சமாதானம் சீர்குலைவது ஆபத்தாகும்" என அவர் தெரிவித்ததுடன், எனவே, வடக்கில் சமாதானத்தைப் பாதுகாத்து உலக சமாதானம் உருவாக வேண்டுமெனவும் கூறினார்