சிவாஜிலிங்கம் விவகாரம்: தடை கோரிக்கை நிராகரிப்பு

-எஸ். நிதர்ஷன், எம்.றொசாந்த்

யாழ்ப்பாணம் நவாலி சென்பீற்றர் தேவாலத்துக்குச் செல்வதற்கு எம்.கே.சிவாஜிலிங்கத்துக்கு தடை விதிக்கவேண்டுமென மானிப்பாய் பொலிஸார் முன்வைத்த கோரிக்கையை மல்லாகம் நீதிமன்றம், இன்று (08) நிராகரித்துள்ளது.

விடுதலைப்புலிகளை மீளூருவாக்க முற்படுகின்றமை, சென்பீற்றர்ஸ் தேவாலயத்துக்கு முன்பாக 150க்கும் அதிகமானவர்களை திரட்டி ஆர்ப்பாட்டம் செய்யவுள்ளமை போன்ற தகவல்கள் தமக்கு கிடைத்துள்ளதாகத் தெரிவித்து மானிப்பாய் பொலிஸார் மல்லாகம் நீதிமன்றில் மனுத் தாக்கல் செய்திருந்தனர்.

அதேவேளை, அவரை அங்குச் செல்வதற்கு தடை விதிக்கவேண்டுமென அம்மனுவில் கோரியிருந்தனர். எனினும், ​பொலிஸாரின் கோரிக்கையை நீதிமன்றம் நிராகரித்துவிட்டது.