செய்தியாளர் மீதான தாக்குதலைக்கண்டித்து ஆர்ப்பாட்டம்

பிராந்திய பத்திரிகையின் பிரதேச செய்தியாளரும் பத்திரிகை விநியோகஸ்தருமான செ.இராஜேந்திரன் மீது மேற்கொள்ளப்பட்ட தாக்குதலைக்கண்டித்து இன்று (30)  கண்டன ஆர்ப்பாட்டம் ஒன்று யாழ். மத்திய பஸ் நிலையம் முன்பாக முன்னெடுக்கப்பட்டது.

யாழ். ஊடகவியலாளர்களின் ஏற்பாட்டில் இடம்பெற்ற போராட்டத்தில் அரசியல்வாதிகள், பொது அமைப்புக்களின் பிரதிநிதிகள் என பலர் கலந்து கொண்டனர்.

யாழில் இருந்து வெளிவரும் பிராந்திய பத்திரிகையின் பிரதேச செய்தியாளரும் விநியோகஸ்தருமான செ.இராஜேந்திரன் மீது திங்கட்கிழமை (28) அதிகாலை 10 பேர் கொண்ட இனம்தெரியாத கும்பலொன்று தாக்குதல் நடத்தியதில் குறித்த செய்தியாளர் படுகாயமடைந்தமை குறிப்பிடத்தக்கது.