த.தே.ம.மு அலுவலகம் முற்றுகை

-எம்.றொசாந்த், எஸ்.நிதர்ஷன்

கொக்குவில் பகுதியில் உள்ள தமிழ்த் தேசிய மக்கள் முன்னணியின் அலுவலகத்தை முற்றுகையிட்ட இராணுவத்தினரும் பொலிஸாரும், அங்கிருந்தவர்களை மிரட்டும் தொனியில் எச்சரித்துள்ளனர்.

இன்றைய தினம் (05), தமிழீழ விடுதலைப் புலிகளின் கரும்புலி தினத்தை  அந்த அலுவலகத்தில் அனுஷ்டிக்கவிடாமல் தடுக்கும் நோக்கிலேயே, இந்த நடவடிக்கை முன்னெடுக்கப்பட்டதாக,கட்சியின் தலைவர் கஜேந்திரகுமார் பொன்னம்பலம் தெரிவித்துள்ளார்.