திருடமுற்பட்டவர் நையப்புடைக்கப்பட்டு பொலிஸாரிடம் ஒப்படைப்பு

-செல்வநாயகம் கபிலன்

சிறுப்பிட்டி வைரவர் கோயில் பகுதியில் உள்ள வீடு ஒன்றிற்குள் அத்துமீறி நுழைந்து திருட முற்பட்ட அப்பகுதியினை சேர்ந்த இளைஞனை, பொதுமக்கள் மடக்கிபிடித்து நையப்புடைத்த பின்னர் தம்மிடம் ஒப்படைக்கப்பட்டுள்ளதாக அச்சுவேலிப் பொலிஸார் தெரிவித்தனர்.

இச்சம்பவம், வியாழக்கிழமை (26) இரவு இடம்பெற்றுள்ளது.

சிறுப்பிட்டிப் பகுதியில் உள்ள கோயில் ஒன்றின் வருடாந்த திருவிழா தற்போது இடம்பெற்று வருகின்றது. 

இச்சந்தர்ப்பத்தைப் பயன்படுத்தி அப்பகுதியில் உள்ள வீடு ஒன்றுக்குள் புகுந்து குறித்த இளைஞன் திருட முற்பட்டுள்ளார். 

இவ்வாறு திருட முற்பட்ட இளைஞன், அதே பகுதியினைச் சேர்ந்த 24 வயதுடையவர் எனப் பொலிஸார் கூறினர்.