திக்கத்தில் கோடரி வெட்டு

 எம். றொசாந்த்

மோட்டார் சைக்கிளில் வந்த இருவர், வீதியால் சென்று கொண்டிருந்த குடும்பஸ்தரை வழிமறித்து கோடாரியால் வெட்டி விட்டு தப்பிச் சென்றுள்ள சம்பவமொன்று யாழ்ப்பாணத்தில் இடம்பெற்றுள்ளது.

யாழ்ப்பாணம் , பருத்தித்துறை திக்கம் பகுதியில் சனிக்கிழமை (23) இடம்பெற்ற இச்சம்பவத்தில் அப்பகுதியை சேர்ந்த 44 வயதான குடும்பஸ்தரே கோடாரி வெட்டு காயங்களுக்கு இலக்காகி  வைத்தியசாலையில் அனுமதிக்கப்பட்டுள்ளார் எனத் தெரிவித்த பொலிஸார், சம்பவம் ​தொடர்பில் மேலதிக விசாரணைகளை மேற்கொண்டு வருவதாகவும் தெரிவித்தனர்.