நெடுந்தீவில் கைதான மீனவர்களுக்கு விளக்கமறியல்

- செல்வநாயகம் கபிலன்

நெடுந்தீவுக் கடற்பரப்பில் கைதான இந்திய மீனவர்கள் 10 பேரையும், எதிர்வரும் 21ஆம் திகதி வரை விளக்கமறியலில் வைக்குமாறு, ஊர்காவற்றுறை நீதவான் நீதிமன்ற நீதவான் ஏ.எம்.எம்.றியால், இன்று(07) உத்தரவிட்டார்.

விசைப்படகொன்றுடன் அத்துமீறி உள்நுழைந்து மீன்பிடியில் ஈடுபட்ட இந்திய மீனவர்கள் 10 பேரை, காங்கேசன்துறை கடற்படையினர், நேற்று (06) கைதுசெய்திருந்தனர்.

அவர்களைப் பொறுப்பேற்ற கடற்றொழில் நீரியல்வளத்துறை, அதிகாரிகள் ஊர்காவற்றுறை நீதிமன்ற நீதவான் முன்னிலையில் முற்படுத்திய போது, எதிர்வரும் 21ஆம் திகதி வரை விளக்கமறியலில் வைக்க உத்தரவிட்டார்.