நீதிமன்றத்தில் அலைபேசி ஒலியெழுப்பியவருக்கு தண்டம்

-சுப்பிரமணியம் பாஸ்கரன்
 
கிளிநொச்சி நீதவான் நீதிமன்றத்தில் வழக்குகள் நடைபெற்றுக்கொண்டிருந்த வேளை அலைபேசி ஒலியெழுப்பிய குற்றச்சாட்டில் கைது செய்யப்பட்டவருக்கு 3,000 ரூபாய் தண்டப்பணம் விதித்து கிளிநொச்சி நீதவான் நீதிமன்ற நீதவான் எம்.ஐ.வகாப்தீன், நேற்று புதன்கிழமை (09) உத்தரவிட்டார்.
 
கிளிநொச்சி மாவட்;ட நீதவான் நீதிமன்;றத்தில் வழக்குகள் நடைபெற்றுக்கொண்டிருந்த வேளை அலைபேசி ஒலியெழுப்பி நீதிமன்றத்துக்கு இடையூறு விளைவித்த குற்றச்சாட்டில் ஒருவரைக் கைது செய்த கிளிநொச்சிப் பொலிஸார், குறித்த நபரை நீதிமன்றத்தில் ஆஜர்படுத்தியதையடுத்து குற்றவாளிக்கு 3,000 ரூபாய் தண்டப்பணம் விதித்து நீதவான் உத்தரவிட்டார்.