நிர்வாக முடக்கல் போராட்டம் முடிவுக்கு வந்தது

- எஸ்.நிதர்ஷன்

வடமராட்சி கிழக்கு மீனவர்களால் யாழ் நீரியல் வளத் திணைக்களத்தை முற்றுகையிட்டு மேற்கொள்ளப்பட்ட நிர்வாக முடக்கல் போராட்டம் முடிவுக்கு கொண்டுவரப்பட்டுள்ளது.

போராட்டத்தில் ஈடுபட்டவர்களுடன் யாழ் நீரியல் வளத் திணைக்கள அதிகாரிகள் மேற்கொண்ட பேச்சுவார்த்தையையடுத்தே இப் போராட்டம் முடிவுக்கு கொண்டுவரப்பட்டுள்ளது.

இப்பேச்சுவார்த்தையின் போது, வடமராட்சி கிழக்கில் அத்துமீறி சட்டவிரோத தொழிலில் ஈடுபடுவோரை தாம் கைது செய்வதாக நீரியில்வளத் திணைக்கள அதிகாரிகள் வழங்கிய உத்தரவாதத்தையடுத்தே போராட்டம் முடிவுக்கு கொண்டுவரப்பட்டுள்ளது.