நேர்முகத் தேர்வும் பிரயோகப் பரீட்சையும்

-எஸ்.குகன்

வடக்கு மாகாணப் பாடசாலகளில் நிலவும் வெற்றிடங்களுக்கு ஆசிரியர்களை இணைத்துக் கொள்வதற்கான நேர்முகத் தேர்வும் பிரயோகப் பரீட்சையும் நாளை முதல் இடம்பெறும் என்று மாகாண கல்வி அமைச்சு அறிவித்துள்ளது.

வடக்கு மாகாணப் பாடசாலைகளில் நிலவும் ஆசிரியர் சேவையின் 3 ஆம் வகுப்பு   1 (ஆ) தரப் பிரிவுக்கு விஞ்ஞான தகவல் தொழில்நுட்பப் பாடங்களுக்கான பட்டதாரிகளை இணைத்துக் கொள்வதற்காக மாகாண பொதுச் சேவை ஆணைக் குழுவினால் கடந்த ஒக்டோபர் மாதம் விண்ணப்பங்கள் கோரப்பட்டன.

அதற்கான திறந்த போட்டிப் பரீட்சை கடந்த பெப்ரவரி மாதம் நடைபெற்றது.

பரீட்சையில் சித்தியடந்தவர்களுக்கான நேர்முகத் தேர்வும் பிரயோகப் பரீட்சையும் நாளையும் நாளை மறுதினமும் மாகாணக் கல்வி அமைச்சில் நடைபெறவுள்ளது.