படையினரின் மருத்துவ முகாம்

-செல்வநாயகம் கபிலன்

யாழ்ப்பாணம், மானிப்பாய், கிரீன் மெமோறியல் வைத்தியசாலையில் படையினரால் ஏற்பாடு செய்யப்பட்டிருந்த மருத்துவ முகாம், ஞாயிற்றுக்கிழமை நடைபெற்றதுடன், 200க்கும் அதிகமான மக்கள் கலந்துகொண்டு பயன்பெற்றனர்.

இதன் போது, தொற்றும் மற்றும் தொற்றா நோய்களுக்கு விசேட சிகிச்சை வழங்கப்பட்டதுடன், தோல் நோய், இருதய நோய், நீரிழிவு, பற்சிகிச்சை, நரம்பியல், சுவாசநோய் மற்றும் உயர் இரத்த அழுத்தம் போன்ற நோய்களுக்கு சிகிச்சையுடன் மருந்து வழங்கப்பட்டது.

மேலும், போசாக்கு குறைந்த வயோதிபர்களுக்கு போசாக்கு பால்மா பெட்டிகளும்  வழங்கப்பட்டன. இவ்விசேட சிறப்பு மருத்துவ முகாமுக்கு, 15ஆவது தேசிய படையணி, 25ஆவது விஜயபாகு படையணி மற்றும் 4ஆவது மருத்துவ படையணி என்பன, தமது பங்களிப்பினை வழங்கியிருந்தன.