பனிக்கன்குளத்தில் புகையிரதக் கடவை அமைக்கவும்

சண்முகம் தவசீலன்

பனிக்கன்குளத்தில் புகையிரதக் கடவையொன்றை அமைக்குமாறு பொதுமக்கள் கோரிக்கை விடுத்துள்ளனர்.

தமது வீடுகளுக்கு செல்லும் பிரதான வீதியாக ஒரேயொரு வீதியே உள்ளது. இருப்பினும் எமது வீதியின் ஊடாக செல்லும் புகையிரதப்பாதையில் கடவை அமைக்கப்படாததால்  விபத்துக்கள் ஏற்படக்கூடிய வாய்ப்புக்கள் அதிகமாக உள்ளதென பனிக்கன்குளம் மக்கள் தெரிவிக்கின்றனர்.

பாடசாலை மாணவர்கள் காலையில் பாடசாலை செல்லும் வேளையிலும் பாடசாலை விட்டு வீடு வரும் வேளையிலும் புகையிரதம் செல்லும் நேரமாக இருப்பதால் தமக்கு அச்சமாக உள்ளதாகவும் அண்மைக்காலமாக புகையிரத விபத்துக்கள் அதிகரித்துள்ளதாகவும்  தமக்கு உடனடியாக புகையிரத கடவை அமைத்து தருமாறும் அம்மக்கள். கோரிக்கை  விடுத்து நிக்கின்றனர்.