பஸ் தரிப்பிடத்தில் யாசகரின் சடலம் மீட்பு

செந்தூரன் பிரதீபன்

யாழ்ப்பாணம், பாசையூர் பகுதியில் உள்ள பஸ் தரிப்பிடத்தில் ஆண் ஒருவரின் சடலம், பொதுமக்கள் வழங்கிய தகவலுக்கு அமைய மீட்கப்பட்டுள்ளதாக யாழ்ப்பாணம் பொலிஸார் தெரிவித்தனர்.

மேற்படி பகுதியில் தொடர்ச்சியாக யாசகம் பெற்று வந்த நபரே இவ்வாறு சடலமாக மீட்கப்பட்டுள்ளார் என்றும் உயிரிழந்தவரின் உடலில் காயங்கள் உள்ளதாகவும் அவரின் பெயரை அறிய முடியாத நிலை உள்ளதாகவும் பொலிஸார் தெரிவித்தனர்.

சடலத்தை மீட்டு, சட்ட வைத்திய அதிகாரி ஊடாக உடற்கூற்று பரிசோதனைக்கு உட்படுத்த நடவடிக்கை எடுக்கப்பட்டுள்ளதாகவும் யாழ்ப்பாணம் பொலிஸார் மேலும் தெரிவித்தனர்.