மாநகர சபையின் கவனிப்பற்று காணப்படும் பொது மலசலகூடம்

-சொர்ணகுமார் சொரூபன்

யாழ்ப்பாணம் பண்ணை பகுதியில் அமைந்துள்ள இறைச்சிக் கடைகளுக்கு பின்பக்கமாகக் காணப்படும் பொது மலசலகூடம், எவ்வித கவனிப்பும் அற்றும் பயன்படுத்த முடியாத நிலையில் காணப்படுகின்றது.

யாழ்ப்பாணம் மாநகர சபையின் கீழ் நிர்வகிக்கப்படும் இறைச்சிக்கடைகளின் மலசலகூடமே இவ்வாறு காணப்படுகின்றது. மலசலகூடத்தின் கதவுகள் உடைந்துள்ளதுடன், மலசலகூடம் துப்புரவு செய்யப்படாத நிலையிலுள்ளது.

எப்போதாவது ஒரு தடவை தங்களின் நலன்கருதி தாங்களே அதனை துப்புரவு செய்வதாக இறைச்சிக்கடைக்காரர்கள் தெரிவிக்கின்றனர்.