மின்னொழுக்கினால் வீடு முற்றாக சேதம்

செல்வநாயகம் கபிலன்

யாழ்ப்பாணம், புங்கங்குளம், அரியாலை பகுதியில் திங்கட்கிழமை இரவு 11:30க்கு திடீரென ஏற்பட்ட மின்னொழுக்கினால் வீடொன்று முற்றாக எரிந்து நாசமாகியுள்ளதாகப் பொலிஸார் தெரிவித்தனர்.

வீட்டில் இருந்த அணைவரும் நித்திரையில் இருந்த நேரம் இவ் அனர்த்தம் இடம்பெற்றுள்ளது. எனினும், உயிர்சேதம் எதுவும் ஏற்படவில்லையெனவும் பொலிஸார் தெரிவித்தனர்.

மாநகரசபையின் தீயனைப்புப் பிரிவின் வாகனம் உட்செல்ல முடியாதவாறு குறித்த வீடு அமைந்திருந்த வீதியிருந்தமையினால் தீயினைக் கட்டுப்படுத்த முடியவில்லை எனப் பொலிஸார் கூறினர்.

இதன் காரணமாக வீடு முற்றாக எரிந்து நாசமடைந்துள்ளதுடன், வீட்டிலிருந்த பெறுமதியான சொத்துக்கள் அனைத்தும் முற்றாக அழிவடைந்துள்ளன.

சம்பவம் தொடர்பில் வழக்குப் பதிவு செய்துள்ள பொலிஸார், அனர்த்தம் தொடர்பான விரிவான விசாரணைகளை மேற்கொண்டு வருகின்றனர்.