மரக்கறி மூடைகளுக்குள் கஞ்சா கடத்த முயற்சி

-எஸ்.நிதர்ஷன்

யாழ்ப்பாணத்தில் இருந்து தம்புள்ளைக்கு மரக்கறி மூடைகளுக்குள் 6 கிலோகிராம் கஞ்சா கடத்த முற்பட்டக் குற்றச்சாட்டில் ஒருவர் கைது செய்யப்பட்டுள்ளார்.

யாழ்ப்பாணம் - புன்னாலைக் கட்டுவன் பகுதியில், கஞ்சா கடத்தப்படுவதாக, சங்கானை மதுவரித் திணைக்கள அதிகாரிகளுக்கு நேற்று முன்தினம் இரவு தகவல் கிடைத்துள்ளது. 

இதையடுத்து, அவர்கள் மேற்கொண்ட தேடுதல் நடவடிக்கையில் மரக்கறிகளுக்குள் மறைத்து வைத்து கடத்த தயாராக இருந்த நிலையில் 6 கிலோகிராம் கஞ்சாவை மீட்டுள்ளதுடன், சந்தேகத்தில் ஒருவர் கைது செய்யப்பட்டுள்ளார்.

கைதுசெய்யப்பட்ட நபர் புன்னாலைக்கட்டுவனை சேர்ந்த 33 வயதுடைய நபர் என தெரிவிக்கப்படுகின்றது.