மழையால் 54 குடும்பங்கள் பாதிப்பு

-நடராசா கிருஸ்ணகுமார்

முல்லைத்தீவு மாவட்டத்தில் கடந்த இரண்டு நாட்களாக பெய்த அடைமழை காரணமாக 54 குடும்பங்களைச் சேர்ந்த 219 பேர்; பாதிக்கப்பட்டுள்ளதாக முல்லைத்தீவு மாவட்டச் செயலாளர் ரூபவதி கேதீஸ்வரன் வியாழக்கிழமை (07) தெரிவித்தார்.

கடந்த இரண்டு தினங்களாக பெய்த அடை மழை காரணமாக ஒட்டுசுட்டான் பிரதேச செயலகத்துக்குட்பட்ட கிராமங்கள் வெள்ளத்தால் பாதிக்கப்பட்டுள்ளன.

இதனால், பண்டாரவன்னியன் கிராமத்தில் 50 குடும்பங்களைச் சேர்ந்த 206 பேரும் புளியங்குளம் கிராமத்தில் 4 குடும்பங்களைச் சேர்ந்த 13 பேரும் பாதிக்கப்பட்டுள்ளனர்.

வெள்ளப் பாதிப்புக்குள்ளானவர்களுக்கு தேவையா நிவாரண உதவிகள் மாவட்ட அனர்த்த முகாமைத்துவப் பிரிவால் வழங்கப்படும் எனவும் அவர் தெரிவித்தார்.