மோட்டார் சைக்கிளுக்கு தீ வைப்பு

யாழ். நவாலி பகுதியில் வாள்வெட்டுக் குழுவொன்று அட்டகாசத்தில் ஈடுபட்டதுடன் வீட்டுக்கு முன்னால் நிறுத்தி வைத்திருந்த மோட்டார் சைக்கிளுக்கு தீ வைத்து விட்டு தப்பி சென்ற சம்பவம் நேற்று  (22) இரவு இடம்பெற்றுள்ளது.

இதன்போது, 270,000 ரூபாய் பெறுமதியான மோட்டார் சைக்கிள் தீயில் எரிந்துள்ளதாக மானிப்பாய் பொலிஸார் தெரிவித்தனர்.

நான்கு மோட்டார் சைக்கிள்களில் வந்த எட்டுப் பேர் கொண்ட குழுவினரே இச்சம்பவத்தில் ஈடுபட்டுள்ளனர்.

சம்பவம் தொடர்பில் வழக்குப் பதிவு செய்துள்ள குற்றத்தடுப்பு பொலிஸார், சி.சி.டி.வி கமராக்களின் உதவியுடன் சந்தேகநபர்களை கைது செய்ய நடவடிக்கை எடுத்துள்ளனர்.