யானைக்குட்டி மதவடியில் விபத்து: இருவர் படுகாயம்

சண்முகம் தவசீலன்

தெல்லிப்பளை யானைக்குட்டி, மதவடி பகுதியில் நேற்று ஞாயிற்றுக்கிழமை (13) இடம்பெற்ற விபத்தில், இருவர் படுகாயமடைந்த நிலையில் தெல்லிப்பளை ஆதார வைத்தியசாலையில் அனுமதிக்கப்பட்டுள்ளதாக, தெல்லிப்பளை பொலிஸார் தெரிவித்தனர்.

கொக்குவில் மேற்கு, கொக்குவில் பகுதிகளைச் சேர்ந்த சிவலிங்கம் சிவமதுசன் (வயது 19) மற்றும் குணசேகரம் விதுசன் (வயது 19) ஆகிய இருவருமே இவ்வாறு படுகாயமடைந்துள்ளனர்.

யாழ்ப்பாணத்தை நோக்கிச் சென்றுகொண்டிருந்த மோட்டார் சைக்கிள், அதிக வேகம் காரணமாக விபத்துக்குள்ளாகியுள்ளது என்று தெரிவித்துள்ள பொலிஸார், இது தொடர்புடைய மேலதிக விசாரணைகளை மேற்கொண்டு வருகின்றனர்.