யாழ். பெண்களுக்கு பயிற்சி நெறி

-எம். றொசாந்த்

சமூகத்தில், வறுமைக்கோட்டுக்குட்பட்ட பெண்களின் வருமானத்தை அதிகரிக்கும் நோக்கில், யாழ்ப்பாணத்தில், தென்னை சார் கைப்பணிப் பொருள்களின் பயிற்சி நெறியொன்று நடைபெறவுள்ளது.

இந்தப் பயிற்சி நெறி, நல்லூர், சட்டநாதர் சிவன் கோவிலடியில் உள்ள "திவ்விய ஜீவன" மண்டபத்தில், நாளை (22) காலை 9. 30 மணியளவில், தெங்கு அபிவிருத்தி சபையின் பிராந்திய முகாமையாளர் வைகுந்தன் தலைமையில் நடைபெறவுள்ளது.

இதன்போது, விளக்குமாறு, துடைப்பம், சிரட்டை அலங்காரம், தென்னோலையிலான கைவேலைகள் ஆகியவற்றுக்கான பயிற்சி வழங்கப்படவுள்ளமை குறிப்பிடத்தக்கது.