வெசாக் தினத்தில் மதுபானம் விற்றவர் கைது

-செல்வநாயகம் கபிலன்

உரும்பிராய் கிழக்குப் பகுதியிலுள்ள வீடொன்றில் வைத்து மதுபானம் விற்பனை செய்த குடும்பஸ்தர் ஒருவரை, நேற்று ஞாயிற்றுக்கிழமை (22) இரவு கைது செய்துள்ளதாக கோப்பாய் பொலிஸார் தெரிவித்தனர்.

சந்தேகநபரிடமிருந்து 180 மில்லிலீற்றர் கொள்ளவுடைய 2 போத்தல் மதுபானங்கள் கைப்பற்றப்பட்டன.

வெசாக் தினத்தைக் கொண்டாடும் முகமாக நாடு முழுவதிலுமுள்ள மதுபான விற்பனை நிலையங்கள் கடந்த இரண்டு நாட்களாக மூடப்பட்டன. இதனைச் சந்தர்ப்பமாக எடுத்து, மேற்படி நபர், மதுபானங்களை தனது வீட்டில் வைத்து அதிக விலைக்கு விற்பனை செய்துள்ளார்.