விபத்தில் படுகாயமடைந்த பெண் உயிரிழப்பு

செல்வநாயகம் கபிலன்

இருபாலை கற்பகபிள்ளையார் கோயில் பகுதியில் புதன்கிழமை (25) இடம்பெற்ற விபத்தில் படுகாயமடைந்த பெண், யாழ் போதனா வைத்தியசாலையில் சிகிச்சைப் பெற்று வந்த நிலையில் சிகிச்சைப் பலனின்றி வியாழக்கிழமை (26) உயிரிழந்துள்ளார் என கோப்பாய் பொலிஸார்; தெரிவித்தனர்;.

இருபாலை பகுதியைச் சேர்ந்த தர்மகுலசிங்கம் துஸியந்தி (வயது 32) என்பவரே இவ்வாறு சிகிச்சைப் பலன் இன்றி உயிரிழந்துள்ளார்.

முச்சக்கர வண்டியில் ஆலயத்துக்கு சென்றுகொண்டிருந்த போது பின்னால் வந்த மோட்டார் சைக்கிள் இவர் மீது மோதியதில் நிலைதடுமாறி கீழே வீழந்து படுகாயமடைந்தார்;.

யாழ். போதனா வைத்தியசாலையின் அவசர சிகிச்சைப் பிரிவில் அனுமதிக்கப்பட்ட நிலையில்  சிகிச்சைப் பலன் இன்றி உயிரிழந்தார்;.

இதனையடுத்து, மோட்டார்; சைக்கிள் சாரதியினை வெள்ளிக்கிழமை (27) கைதுசெய்துள்ளதாக பொலிஸார்; கூறினர்;.