வாள் வீசிய ஐவர் யாழில் கைது

அண்மைக்காலங்களில் யாழ்ப்பாணத்தில் இடம்பெற்ற வாள்வெட்டுச் சம்பவங்களுடன் தொடர்புடை குற்றச்சாட்டில், க.பொ.த உயர்தரத்தில் கல்வி பயிலும் மாணவன் ஒருவன் உட்பட, இளைஞர்கள் ஐவர் கைதுசெய்யப்பட்டுள்ளனர்.

சுன்னாகம், உரும்பிராய், திருநெல்வேலி மற்றும் கோப்பாய் பகுதிகளைச் சேர்ந்த இளைஞர்கள் ஐவரே, கோப்பாய் பொலிஸாரால் கைதுசெய்யப்பட்டுள்ளனர்.

சந்தேகநபர்களிடமிருந்து, 2 வாள்கள், மோட்டார் சைக்கிள் மற்றும் அலைபேசிகள் என்பன கைப்பற்றப்பட்டுள்ளதாக, கோப்பாய் பொலிஸார் தெரிவித்தனர்.

இது தொடர்பான மேலதிக விசாரணைகளை கோப்பாய் பொலிஸார் மேற்கொண்டு வருகின்றனர்.