வரலாற்றின் முதல் தடவையாக செங்கோலுடன் நடைபெற்ற அமர்வு

-எஸ்.நிதர்ஷன், எம்.றொசாந்த் 

வரலாற்றின் முதல் தடவையாக, யாழ். மாநகரசபை அமர்வு, செங்கோலுடன் மாநகர மேயர் மணிவண்ணன் தலைமையில் நடைபெற்றது

மாநகர மேயர் வி. மணிவண்ணனின் வேண்டுகோளுக்கு அமைய, அண்மையில், குகபதமடைந்த நல்லூர் கந்தசுவாமி தேவஸ்தானத்தின் 10ஆவது நிர்வாக அதிகாரி குகஸ்ரீ குமாரதாஸ மாப்பாண முதலியாரின் நினைவாக, நல்லூர் கந்தசுவாமி தேவஸ்தானம், யாழ்.மாநகர சபைக்கு செங்கோல் ஒன்றை வழங்கியது. 

நல்லூர் கந்தசுவாமி தேவஸ்தானத்தின் 11ஆவது நிர்வாக அதிகாரி குமரேஷ்  சயந்தன குமாரதாஸ் மாப்பாண முதலியாரின் வடிவமைப்பில் உருவாக்கப்பட்ட  செங்கோலுடன், வரலாற்றில் முதல் தடவையாக, இன்று (30), மாநகர அமர்வு,  மேயர் தலைமையில் நடைபெற்றமை குறிப்பிடத்தக்கது.