வாழ்வாதார உதவிகள் வழங்கி வைப்பு

-எஸ்.நிதர்ஷன்

வடக்கு மாகாண விவசாய அமைச்சால் தென்மராட்சியில் தெரிவு செய்யப்பட்ட ஒரு தொகுதி  பயனாளிகளுக்கு வாழ்வாதார உதவிகள் வழங்கும் நிகழ்வு, சாவகச்சேரி கால்நடை சுகாதார வைத்திய பணிமனையில் நேற்று காலை நடைபெற்றது.

கால்நடை வைத்திய அதிகாரி தலைமையில் இடம்பெற்ற நிகழ்வில், வடக்கு மாகாண விவசாய அமைச்சர் க.சிவநேசன் சார்பில் அமைச்சரின் இணைப்புச் செயலாளர் ஞா.கிஷோர், சாவகச்சேரி நகரசபைத் தலைவர் திருமதி சிவமங்கை இராமநாதன் ஆகியோர் கலந்து கொண்டு பயனாளிகளுக்கான பொருள்களை வழங்கி வைத்தனர்.

கோழி வளர்ப்புகு தெரிவு செய்யப்பட்ட பயனாளிகளுக்கு கோழிக்கூடு மற்றும் கோழிக்குஞ்சுகளும் கால்நைடை வளர்ப்புக்கு தெரிவு செய்யப்பட்டவர்களுக்கு பசு மாடுகள் மற்றும் ஆடுகள் என்பனவும் இதன்போது வழங்கி வைக்கப்பட்டன.