விதை உருளைக்கிழங்கு வழங்க நடவடிக்கை

-எஸ்.குகன்

யாழ்ப்பாணம் மாவட்ட விவசாயிகளுக்கு, இவ்வருடமும் 50 சதவீத மானிய விலையில் விதை உருளைக்கிழங்கு வழங்க நடவடிக்கை எடுக்கப்பட்டுள்ளதாக, உருளைக்கிழங்கு உற்பத்தி விற்பனைக் கூட்டுறவுச் சங்கங்களின் தலைவர் இ.தெய்வேந்திரம் தெரிவித்தார்.

இது குறித்து தொடர்ந்துக் கருத்துத் தெரிவித்த அவர், அந்த வகையில், விவசாயிகள் மத்தியில் பதிவுகள் மேற்கொள்ளப்படுவதாகவும் விதை உருளைக்கிழங்கு கோரி பதிவு செய்துள்ள விவசாயிகளின் பதிவுகள், தோட்ட நிலங்களை நேரில் சென்று பார்வையிட்டு ஒப்புநோக்கியப் பின்னர் உறுதிசெய்யப்படவுள்ளதாகவும் கூறினார்.