விபத்தில் முதியவர் பலி

-எம்.றொசாந்த்

பருத்தித்துறை வீதியில் கோப்பாய் சந்திக்கு அருகில் இடம்பெற்ற விபத்தில் முதியவர் ஒருவர் உயிரிழந்துள்ளார். 

கோப்பாய் தெற்கை சேர்ந்த எஸ். செல்வராசா (வயது 63) என்பவரே உயிரிழந்தவராவார். 

கோப்பாய் சந்திக்கு அருகில் வீதியை கடக்க முற்பட்ட போதே, குறித்த விபத்து இடம்பெற்றது.

அதில் படுகாயமடைந்த முதியவரை அங்கிருந்தவர்கள் மீட்டு யாழ்ப்பாணம் போதனா வைத்தியசாலைக்கு கொண்டு சென்ற போதிலும், அவர் ஏற்கனவே உயிரிழந்து விட்டார் என வைத்தியர்கள் உறுதி செய்துள்ளனர். 

குறித்த விபத்து சம்பவம் தொடர்பில் கோப்பாய் பொலிசார் விசாரணைகளை முன்னெடுத்து வருகின்றனர்.