வேலையற்ற பட்டதாரிகள் மீண்டும் போராட்டத்தில் குதித்தனர்

-எஸ்.நிதர்ஷன்

வட மாகாண வேலையற்ற பட்டதாரிகளால், யாழ்ப்பாண மாவட்ட செயலகத்துக்கு முன்னால், இன்று (20) கவனயீர்ப்புப் போராட்டமொன்று முன்னெடுக்கப்பட்டது.

வேலையற்ற பட்டதாரிகளுக்கு நடைபெறவுள்ள இரண்டாவது நேர்முகத் தேர்வை நிறுத்தி, முதலவாது நேர்முகத் தேர்வுடன் அரசாங்க வேலை வழங்கப்பட வேண்டும், ஏற்கெனவே உறுதியளித்தபடி அனைத்து பட்டதாரிகளுக்கும் நியமனங்கள் வழங்கப்பட வேண்டும் ஆகிய கோரிக்கைகளை முன்வைத்தே, இப்போராட்டம் முன்னெடுக்கப்பட்டது.

இதன்போது ஊடகவியலாளர்களிடம் கருத்துத் தெரிவித்த பட்டதாரிகள்,

எமது பிரச்னைக்கு, உரிய தீர்வு வழங்கப்படாவிட்டால், இந்தப் போராட்டமானது, தொடர் போராட்டமாக முன்னெடுக்க தீர்மானித்துள்ளதாக, அவர்கள் தெரிவித்துள்ளனர்.