வடமேல் மாகாண அபிவிருத்திக்கு ரூ. 2001 கோடி ஒதுக்கீடு

(எஸ்.எம்.மும்தாஜ்)

அடுத்த வருடத்தில் வடமேல் மாகாணத்தின் அபிவிருத்திக்கென இரண்டாயிரத்து ஒரு கோடி ரூபாய் நிதி இம்முறை வடமேல் மாகாண சபையின் வரவு செலவுத்திட்டத்தில் ஒதுக்கிடப்பட்டுள்ளது.

வடமேல் மாகாணத்தின் குருநாகல் மற்றும் புத்தளம் ஆகிய மாவட்டங்களின் அபிவிருத்திக்கே இந்நிதி ஒதுக்கிடப்பட்டுள்ளது.

வடமேல் மாகாணத்தில் 2012ம் ஆண்டுக்காக வீதி அபிவிருத்தி வேலைத்திட்டங்களுக்கே அதிகூடிய நிதி ஒதுக்கிடப்பட்டுள்ளது.

இப்பணிகளுக்கு சுமார் 36 கோடி ரூபாய் ஒதுக்கிடப்பட்டுள்ளது. சுகாதாரப் பணிகளுக்காக 33 கோடி ரூபாயும், கல்வி அபிவிருத்திப் பணிகளுக்காக 29 கோடி ரூபாயும் இவ்வாறு ஒதுக்கிடப்பட்டுள்ளது.

வடமேல் மாகாணத்தில் கல்வித்தரத்தினை மேம்படுத்துவத்காக வேலைத்திட்டம் ஒன்றினை நடைமுறைப்படுத்தியுள்ளதாகத் தெரிவித்த வடமேல் மாகாண முதலமைச்சர் அத்துல விஜேசிங்க, தற்போது கல்வித்துறையில் வடமேல் மாகாணம் முதன்மை நிலைக்கு வந்திருப்பதாகவும் தெரிவித்தார்.