முன்னேஸ்வர தேவஸ்தானம் ரூ. 500 மில்லியன் செலவில் புணரமைப்பு

(எம்.என்.எம்.ஹிஜாஸ்)

பிரசித்திபெற்ற சிலாபம் ஸ்ரீ முன்னேஸ்வர தேவஸ்தானம் அடுத்து வரும் 5 ஆண்டுகளுக்குள் 500 மில்லியன் ரூபா செலவில் புனரமைக்கப்படவுள்ளது.

இதன் முதற்கட்டமாக முதல் 3 ஆண்டுகளுக்குள் வீதி புணரமைப்பு, 300 சிறுவர்களினை பராமரிக்கக்கூடிய அநாதை இல்லம், குருமார்களுக்கான மற்றும் யாத்திரிகர்களுக்கான தங்குமிட வசதிகள், குருமார் பயிற்சி நிலையம் உட்பட பல்வேறு தேவைகளுக்கான கட்டிடங்கள் அமைக்கப்படவுள்ளன.

இரண்டாம் கட்டமாக 118 அடிகளுடைய இராஜ கோபுரம் அமைக்கப்பட்டு கோயில் புரருத்தாபனம் செய்யப்படவுள்ளதுடன் தீர்த்தகேணி மற்றும் பஞ்சரத கட்டிட புனரமைப்பும் மேற்கொள்ளப்படவுள்ளது.

ராஜராஜ சோழ மன்னன் காலத்திலுள்ள கல்வெட்டு இந்த தேவஸ்தானத்தில் காணப்படுவதும், நாட்டின் பல பாகங்களிலிருந்தும் பக்தர்கள் இங்கு வருகை தருவதும் குறிப்பிடத்தக்க விடயமாகும்.