வில்பத்து சரணாலயத்தில் மேலும் 150,000 ஹெக்டேயர் பகுதி பயணிகளுக்காக பார்வையாளர்களுக்காக திறக்கப்படும

(எம்.சபூர்தீன்)

வில்பத்து தேசிய சரணாலயத்தில்  மிருகங்களைப் பார்வையிடுவதற்காக இதுவரையில் அனுமதியளிக்கப்படாதிருந்த 150,000 ஹெக்டேயர் நிலப் பகுதியை சுற்றுலாப் பார்வையாளர்களுக்காக திறந்து விட நடவடிக்கை எடுக்கப்பட்டுள்ளது.

கமநல சேவைகள் மற்றும் வனவிலங்குகள் அமைச்சர் எஸ்.எம்.சந்திரசேனவின் ஆலோசனைப்படி விலங்குகள் திணைக்களம் இந்நடவடிக்கையை எடுத்து வருகிறது.

'தேசத்திற்கு மகுடம்' தேசிய அபிவிருத்தி வேலைத் திட்டத்தின் கீழ் சுற்றுலா பயணிகள் இதுவரையில் பயணிக்காத வடபகுதியில் சுற்றுலா பயணிகளுக்கான வசதிகளைப் பெற்றுக் கொடுக்கவும் நடவடிக்கை எடுக்கப்பட்டுள்ளது.

தந்திரிமலை பிரதேசத்தின் ஊடாக வில்பத்துவ தேசிய சரணாலயத்திற்குள் நுழைவதற்கான புதிய 100 கிலோ மீற்றர் வீதி, 07 சுற்றுலா பங்களாக்கள், பார்வையாளர் மத்திய நிலையங்கள், வாகனத் தரிப்பிடங்கள் மற்றும் சேதமுற்றுக் காணப்படும் 20 குளங்களும் புதிதாக நிர்மாணிக்கப்படவுள்ளன.

வில்பத்துவ வடக்கு பிரதேச நுழைவாயல் அடுத்த மாதம் ஜனாதிபதி மஹிந்த ராஜபக்ஷவினால் திறந்துவிடப்படவுள்ளது.