சட்டவிரோத வெடிபொருட்கள் அழிப்பு

(எம்.ஸி.சபூர்தீன்)

சட்டவிரோதமானமுறையில் பாவித்த வெடிபொருட்களை கைப்பற்றி அநுராதபுரம் தலைமையக பொலிஸ் நிலையத்தில் வைக்கப்பட்டிருந்த கைக்குண்டுகள், ஜொனி வகை குண்டுகள், மிதிவெடிகள், தோட்டாக்கள் உட்பட சகல வெடி பொருட்களும் அழிக்கப்பட்டுள்ளன.

யுத்த காலத்தின் போது தமிழீழ விடுதலைப் புலிகளிடமிருந்தும் பாதாளக் குழுக்களிடமிருந்தும் மற்றும் தேடுதல் மூலமும் கைப்பற்றப்பட்ட வெடி பொருட்களே அவ்வாறு அழிக்கப்பட்டுள்ளன.

பொலிஸ் விசேட அதிரடிப்படையின் தேடுதல் மற்றும் குண்டுகளைச் செயலிழக்கச் செய்யும் பிரிவின் வவுனியா கிளை பொலிஸ் பரிசோதகர் லால் ஜயதிலக்க தலமையிலான குழுவினரே இவ்வெடிபொருட்களை அநுராதபுரம் நாச்சியாதீவு குளத்துப் பகுதியில் பாதுகாப்பான முறையில் அழித்துள்ளனர்.