ஆசிரியர் இடமாற்றங்களை இடைநிறுத்த உத்தரவு

(எம்.சீ.சபூர்தீன்)

வடமத்திய மாகாணத்திலுள்ள சகல விதமான ஆசிரியர் இடமாற்றங்களையும் உடனடியாக இடைநிறுத்துமாறு வடமத்திய மாகாண முதலமைச்சரும் மாகாணக் கல்வி அமைச்சருமான பேர்டி பிரேமலால் திஸாநாயக மாகாண கல்விச் செயலாளருக்கு பணிப்புரை விடுத்துள்ளார்.

பல்வேறு காரணங்களால் இடம்பெருகின்ற ஆசிரியர் இடமாற்றங்கள் காரணமாக மாணவர்களின் கல்வி நிலைக்கு பாதிப்பு ஏற்படுவதைத் தடுக்கும் வகையில் எதிர்வரும் டிசம்பர் மாத விடுமுறை வரை சகல விதமான ஆசிரியர் இடமாற்றங்களும் இடைநிறுத்தப்பட்டுள்ளன.

இதேவேளை, பாடசாலைகளில் கடமையாற்றும் ஆசிரியர் விபரங்களை தனக்கு வழங்குமாறும் சகல வலய, மாகாணக் கல்விப் பணிப்பாளர்களுக்கு முதலமைச்சர் இந்த பணிப்புரையினை விடுத்துள்ளார்.