கற்பிட்டி வைத்தியசாலை ஊழியர்கள் பணிப் பகிஷ்கரிப்பு

(எம்.என்.எம்.ஹிஜாஸ், ஹிரான் பிரியங்கர ஜயசிங்க)

மர்ம மனிதர் என்ற சந்தேகத்தின் பேரில் பிடிபட்ட நபரொருவர் பொதுமக்களால் தாக்கப்பட்ட நிலையில் வைத்தியசாலையில் அனுமதிக்கப்பட்டிருந்த போது அங்கு அத்துமீறிய பொதுமக்கள் குறித்த நடபர் மீது மீண்டும் தாக்குதலை நடத்தியுள்ளனர்.

இந்த சம்பவத்தைக் கண்டித்து, கற்பிட்டி மாவட்ட வைத்தியசாலையின் வைத்தியர்கள், தாதியர்கள் உட்பட அனைத்து ஊழியர்களும் வேலை நிறுத்தப் போராட்டத்தில் ஈடுபட்டுள்ளனர்.

இந்நிலையில், குறித்த வைத்தியசாலையின், வெளிநோயாளர் பிரிவு சேவைகள் இடைநிறுத்தப்பட்டுள்ள போதும் அவசர சிகிச்சைகள் வழங்கப்பட்டு வருவதாக வைத்தியசாலை வட்டாரங்கள் தெரிவித்தன.