குழாய் கிணற்றிலிருந்து வாயு வெளியேற்றம்

(அகஸ்டின் பெர்னாண்டோ)

புவியியல் அளவை மற்றும் சுரங்கப் பணியகத்தினால் தோண்டப்பட்ட குழாய் கிணறு ஒன்றிலிருந்து விசேட வாயுவொன்று வெளியேறுவதாக வண்ணாத்திவில்லு பொலிஸார் தெரிவத்தனர். புத்தளம் அரவக்காடு மற்றும் எழுவான்குளம் பகுதியில் நிலத்தடி பகுதியை பரீட்சிப்பதற்காக ஒரு வாரத்திற்குமுன் இக்குழாய் கிணறு தோண்டப்பட்டது.

இவ்வாயு வெளியேறுவதை அறிந்து அச்சமடைந்த  ஊழியர்கள் இது குறித்து உடடியாக பொலிஸாருக்கு அறிவித்தனர்.

சீமெந்து தயாரிப்புக்காக இப்பகுதியிலிருந்து சுண்ணாம்புக்கல் மற்றும் ஏனைய கனியப் பொருட்கள் எடுக்கப்படுவது குறிப்பிடத்தக்கது.

இவ்வாயு வெளியேற்றம் குறித்து புவியியல் அளவை மற்றும் சுரங்கப் பணியகமும் வண்ணாத்திவில்லு பொலிஸாரும் விசாரணைகளை மேற்கொண்டு வருகின்றனர்.