மாராவிலயில் இரு குழுக்களுக்கிடையில் மோதல்; துப்பாக்கிச் சூட்டில் இருவர் காயம்

(எஸ்.எம்.மும்தாஜ்)

மாராவில, மஹவெவ பிரதேசத்தில் நேற்றிரவு இரு குழுக்களுக்கிடையில் இடம்பெற்ற மோதல் சம்பவத்தில் மேற்கொள்ளப்பட்ட துப்பாக்கிப் பிரயோகத்தில் இருவர் படுகாயங்களுக்குள்ளாகி வைத்தியசாலையில் அனுமதிக்கப்பட்டுள்ளனர்.  

மாராவில வைத்தியசாலையில் அனுமதிக்கப்பட்ட இருவரில் ஒருவர்  மேலதிக சிகிச்சைக்காக அங்கிருந்து ராகமை போதனா வைத்திசாலைக்கு மாற்றப்பட்டுள்ளார்.

இச்சம்பவம் தொடர்பில் சந்தேகத்தின் பேரில் ஒருவர் மாராவில பொலிஸாரால் கைது செய்யப்பட்டுள்ளதுடன் மோதல் இடம்பெற்ற இடத்திலிருந்து லொறி ஒன்றும் மூன்று முச்சக்கர வண்டிகளும் கைப்பற்றப்பட்டுள்ளன. சம்பவம் தொடர்பான மேலதிக விசாரணைகளை மாராவில பொலிஸார் மேற்கொண்டு வருகின்றனர்.