புத்தளம் நகரின் பாதுகாப்பு தொடர்பாக விசேட கூட்டம்

(அப்துல்லாஹ்)

புத்தளம் நகரில் கடந்த திங்கட்கிழமை இடம்பெற்ற கொள்ளை சம்பவம் தொடர்பாகவும் எதிர்காலத்தில் புத்தளம் நகரின் பாதுகாப்பு தொடர்பாகவும் ஆராயும் விசேட கூட்டமொன்று இன்று புதன்கிழமை மாலை  புத்தளம் இப்னு பதூதா மண்டபத்தில் இடம்பெற்றது.

புத்தளம் வர்த்தக சங்கம் மற்றும் புத்தளம் பெரிய பள்ளிவாசல் ஆகியவற்றின்  ஏற்பாட்டில்  இந்த விசேட கூட்டம் ஏற்பாடு செய்யப்பட்டிருந்தது.

இக்கூட்டத்தில் புத்தளம் பொலிஸ் தொகுதிக்கான பொலிஸ் அத்தியட்சகர் அநுர அபேவிக்ரம, உதவி பொலிஸ் அத்தியட்சகர் ஐ. பீ. டீ. சுகதபால, புத்தளம் பொலிஸ் நிலைய பதில் பொறுப்பதிகாரி வீ. சிவலிங்கம், சமூக பொலிஸ் பிரிவு பொறுப்பதிகாரி  சுமித் ரோஹன  உள்ளிட்ட பலர் இந்த விசேட கூட்டத்தில் கலந்துகொண்டனர்.