சட்டவிரோத மின்சாரம் பெற்ற நபருக்கு அபராதம்

(எம்.சீ.சபூர்தீன்)                            

மூன்று வருடங்களுக்கு முன்னர் சட்டவிரோதமான முறையில் மின்சாரம் பெற்ற குற்றச்சாட்டில் நபரொருவருக்கு 632,000 ரூபாவை மின்சாரசபைக்குச் செலுத்துமாறும் 10,000 ரூபா அபராதம் செலுத்துமாறும் அநுராதபுரம் பிரதான நீதவானும்  மேலதிக மாவட்ட நீதிபதியுமான தர்ஷிகா விமலசிரி உத்தரவிட்டார்.

இது தொடர்பான வழக்கு விசாரணை நேற்று திங்கட்கிழமை நடைபெற்றபோதே அவர் இந்த உத்தரவைப் பிறப்பித்தார்.

அநுராதபுரம் திஸாவெவ பழைய புத்தளம் பகுதியைச் சேர்ந்த ஒருவருக்கே அபராதம் விதிக்கப்பட்டதுடன், மின்சாரசபைக்கு பணம் செலுத்துமாறும் உத்தரவிடப்பட்டது.