'மரணங்களில் மூன்றாவது இடத்தில் தற்கொலை சம்பவங்களே உள்ளன'

(எம்.சீ.சபூர்தீன்)

வட மத்திய மாகாணத்தில் இடம்பெறும் மரணங்களில் மூன்றாவது இடத்தில் தற்கொலை  சம்பவங்கள் உள்ளதாக வட மத்திய மாகாண சுகாதார சேவை பணிப்பாளர் அலவலகத்தின் திட்டமிட்டல் வைத்திய அதிகாரி தம்மிக்க த சில்வா தெரிவித்துள்ளார்.

வட மத்திய மாகாணத்திலுள்ள வைத்தியசாலைகளில் கடந்த வருடம் மாத்திரம் தற்கொலை சம்பவங்களுடன் தொடர்புடைய 5,460 பேர் அனுமதிக்கப்பட்டுள்ளனர். இவர்களில் 10 சத  வீதமானேர் உயிரிழந்துள்ளதாக அவர் குறிப்பிட்டார்.

இதேவேளை, தற்கொலை முயற்சிகளில் ஈடுபடுவோரை கிராம பகுதிகளிலிருந்து பிரதான வைத்தியசாலைகளுக்கு கொண்டு செல்வதற்காக போக்குவரத்து செலவாக வருடமொன்றிற்கு சுமார் 110 இலட்சம் ரூபா செலவாகின்றது. அதேபோல் அவர்களுக்கான சிகிச்சைகளுக்காக வருடமொன்றிற்கு 230 இலட்சத்திற்கும் மேற்பட்ட தொகை செலவாவதாகவும் அவர் கூறினார்.

வட மத்திய மாகாணத்தில் இடம்பெறும் உயிரிழப்புகளில் சிறுநீரக நோயாளர்களின் உயிரிழப்பே முதலிடத்தில் உள்ளது என அவர் மேலும் தெரிவித்தார்.